11. novembari 2016
2015-imi isertitat pillugit paasissutissiineq
Naatsorsueqqissaartarfimmit maluginiarneqarpoq Isertitat pillugit paasissutissat saqqummeqqammersut pisortatigoortumik oqallisaaqisut. Isertitat pillugit saqqummersitami suut paasissutissiissutigineqarnersut aamma suut inernerineraat paasissutissallu tunngavigalugit sunik inerniliisinnaaneq ilaatigut paatsoorneqarsimasarput.
Isertitat pillugit paasissutissanut akileraartarnermut pisortaqarfimmut nammineerluni nalunaarsuiffiit atorlugit suliaavoq. Taamaalilluni inuit isertitaanut kisitsisitigut paasissutissat tamarmik akileraarutinut attuumassuteqarput akileraaruseriveqarfinnillu ilisimaneqarlutik. Isertitat akileraarutinik paasissutissanik imaqarneri pissutaallutik, suliffeqarfiutini sinneqartoorutit, ernianit isertitat, pisortanit akileraarutaasussamik ikiorsiissutit, ilinniagaqarnermusiat, siusinaarluni soraarnerussutisiat aamma utoqqalinersiat il.il., isertitat nalunaarsornerinut ilaapput.
Isertitat aningaasarsianut (sulinermi aningaasarsiat) assersuunneqarsinnaanngimmata kisitsisitigut paasissutissat atorlugit assersuutigalugu innuttaasut assigiinngitsut akornanni assigiinngitsunik aningaasarsiaqartoqarneranik inerniliisoqarsinnaanngilaq.
Isertitat pillugit paasissutissani qanoq isertitaqarsimaneq takuneqarsinnaanngilaq, taamaallaat takuneqarsinnaapput qanoq isikkoqarneri, qanorlu inissisimaneri. Isertitat pillugit paasissutissani inuit ukioq kaajallallugu Kalaallit Nunaanni najugaqarsimasut 15-inik ukioqalereersimasut pineqarput. Tassa inuit pineqartut tassaapput utoqqalinersiallit, ilinniartut, suliffissaaleqisut, piniartut, namminersortut, angerlarsimaannartut, napparsimallutik sulisinnaanngitsut, meerartaarnerup kingorna sulinngikkallartut kiisalu inuit piffissaq tamaat imaluunniit piffissap ilaannaa sulisartut.
Isertitat pillugit paasissutissat inuuniarnermi qanoq atugarisanut ersersitsisuusinnaasutut takuneqarsinnaapput.
Innuttaasut (aningaasatigut) atugarisaanik itisiliisinnaanissaq aamma atugarisat assigiinngitsunik inissisimanerisa ersersinnissaat siunertarimmassuk ass. – najugaqarfiit, inunngorfiit, ukiut, ilinniarsimasallu qaffasissusii paasissutissani takutinneqarput.
Paasissutissanik annertunerusumik pissarserusuttut Naatsorsueqqissaartarfiup pisortaanut Anders Blaabjergimut saaffiginnissinnaapput oqarasuaat 34 57 81 (toqqaannartoq) atorlugu.